October 22-24 chhung khan Mualpheng Branch KTP tlawhin kan zin chhuak a, member 80 kan thawk chhuak. Bus pathum bakah motor te pahnih leh two wheeler pakhat kan hmang. Mualpheng khua hi Keifang atanga KM 8 vela hla a ni a. Pastor thuthmun a ni a, Kohhran chantlung tak leh khaw changkang tak a ni. A hmun hma a faiin a boruak pawh a tha em em a, thlai that duhna hmun ram tha tak a ni bawk.
Bialtu Pastor chu Vanlalhuma a ni. Oct. 22 chawhnu dar 1:30 ah Chaltlang atangin kan tlan chhuak a, zan dar 6:30 velah Mualpheng kan lut a. A tuk inrinni nileng infiamna hun kan hmang a, zanah Pathian Biak In khawm a awm a, inkhawm banah fellowship a awm bawk. Pathianni chawhnu atangin intlawh prog tan leh a ni a, Zan thlengin hun nuam tak kan hmang chho va, a lehlamin lehlamin kan kham lo hle a ni.
Oct. 24 khan kan lo haw leh ta a ni.
Mualpheng ho mikhual thlen an thiam em em a, an lo inbuatsaihna a ropuiin an fakawm thlawt a ni. Chaltlang atanga member kalte pawh an fel hle a, hruaitute thu ngaichang thiamin tumah harsatna siam an awm lo va, a ropui hle a ni. Hetiang taka hun hlimawm leh nuam min buatsaihsaktu Pathian chu kumkhuain fakin awm rawh se.
Subscribe to:
Posts (Atom)
